– Vi treng fleire tusen plassar til før året er omme. Det jamt høge talet på asylsøkjarar gjer at den ekstra kapasiteten vi har, er mindre enn ønskjeleg, seier UDI-direktør Ida Børresen.

Talet på asylsøkjarar fører til at UDI får endå fleire oppgåver, at politiet får fleire personar som skal uttransporterast, og at fleire personar skal busetjast av Integrerings- og mangfaldsdirektoratet (IMDi). Alt dette gjer at butida i mottak blir lengre.

UDI har sett i verk ei rekkje tiltak for å betre kapasiteten.

Nye tiltak

– Det er jobben vår å lage planar for ein situasjon der det kan komme fleire asylsøkjarar enn vi har berekna. Det er vårt ansvar at dei som kjem, har innkvartering, seier Børresen.

På kort sikt undersøkjer UDI om det er mogleg å bruke ulike former for mellombels innkvartering som brakketelt no i sommar og elles brakker eller seksjonshus. Vi har kontakta Direktoratet for samfunnstryggleik og beredskap om å bruke sivilforsvarsleirar.

Vi ser på om det er mogleg å bruke folkehøgskolar, flotell og andre typar internatbygg for å sikre eit forsvarleg tilbod.

Fleire konkurransar

I tillegg skal det utlysast fleire konkurransar om mottaksplassar.

Per 1. juli er det 16 991 bebuarar fordelte på 122 mottak i 108 kommunar.

Meir informasjon:

UDIs pressetelefon: 23 35 17 00
www.udi.no/statistikk