Korleis fornyar eg opphaldsløyvet mitt?
Du registrerer søknaden din om fornying på nettportalen Søknad på nett og bestiller ein timeavtale for å levere inn nødvendige dokument hjå politiet der du bur. Vi kan ikkje begynne å handsame søknaden før du har møtt opp hos politiet og levert dokumenta.
Viss du ikkje har moglegheit til å bruke Søknad på nett fyller du ut eit
søknadsskjema på papir. Da må du ringe
politiet der du bur for å få vite kor og når du kan levere inn søknaden din.
Politiet fornyar dei fleste typar løyve. Dersom politiet er usikre på om søknaden din kan godkjennast, sender dei han til UDI for handsaming. Politiet kan ikkje gjere vedtak om avslag.
Kva skal eg leggje ved søknaden?
Anten du søkjer på nett eller papir, må du levere pass og anna nødvendig dokumentasjon.
- Viss du søkjer på nettet, tingar du samstundes time for å levere dokumenta dine hos politiet. Da slepp du å stå i kø.
- Viss du søkjer på papir tek du kontakt med politiet for å få vite når du kan levere dokumenta.
Vi byrjar ikkje med å handsame søknaden din før du har levert pass og anna nødvendig dokumentasjon.
Du må levere inn:
- passfoto som tilfredsstiller visse krav
- kopi av alle sider i alle reisedokument du har hatt det siste året
- du må betale eit gebyr (viss du registrerer søknaden via Søknad på nett betalar du der, viss ikkje betalar du til politiet når du leverer søknaden).
Viss du har betalt gjennom Søknad på nett treng du ikkje leggje ved dette)
I tillegg må du leggje ved dokumentasjon som er spesielt knytt til det løyvet du søkjer om.
Opphaldsløyve for arbeid:
For å fornye slike opphaldsløyve må i hovudregelen levere inn dei same dokumenta som første gong du søkte. Du finn listene over kva for dokument du må levere inn her:
Når skal eg søkje om fornying?
Viss du søkjer om fornying minst ein månad før det løyvet du har, går ut vil du framleis ha dei same rettane som tidlegare til å jobbe, studere osv. medan du ventar på at vi handsamar søknaden din, sjølv om løyvet ditt går ut før du har fått svar frå oss.
NB! Søknaden blir ikkje rekna som levert før du har vore hos politiet og levert vedlegga til søknaden. Det er ikkje nok at du har registrert søknaden via Søknad på nett. Det kan vere fleire veker ventetid på å få time hos politiet. Derfor er vårt råd til deg at du registrerer søknaden din på nett og bestiller time for oppmøte to til tre månader før løyvet du har går ut.
Dersom du ikkje søkjer om fornying innan fristen, har du ikkje automatisk rett til å opphalde deg i Noreg på dei same vilkåra i ventetida.
Dersom du søkjer om fornying etter at løyvet ditt har gått ut, vil du vere utan lovleg løyve mens vi handsamar søknaden. Å søkje for seint kan òg føre til at du ikkje får samanhengande butid, slik at du kanskje må vente lenger før du kan få
permanent opphaldsløyve (som før blei kalla busetjingsløyve).
Kor lang tid tek det å handsame fornyinga?
Sakshandsamingstida kan variere mellom dei ulike politidistrikta. Dersom politiet sender søknaden din til UDI for handsaming, vil du finne venta sakshandsamingstid hos oss på nettsida
www.udi.no/saksbehandlingstider.
Kan alle løyve fornyast?
Ein del løyve har avgrensa tidslengd. Desse kan berre fornyast inntil ei viss tidsramme. Dette gjeld for eksempel dersom du jobbar som au pair, sesongarbeidar eller praktikant eller er elev på folkehøgskole.
Du finn meir detaljert informasjon om fornying og kva som gjeld for løyvet ditt, på nettsida for det aktuelle løyvet.
Kan eg søkje om permanent opphaldsløyve?
Med noen typar løyve vil du etter minimum tre år ha moglegheit for å søkje om permanent opphaldsløyve. Viss du skal søkje om permanent opphaldsløyve, treng du ikkje å søkje om å fornye det løyvet du har no, men du må søkje om permanent opphaldsløyve seinast ein månad før det løyvet du har går ut.
Les om kva for løyve som kan gje moglegheit for permanent opphaldsløyve og korleis du søkjer.
Dersom du har fått varsel på e-post eller mobil
Dersom du har fått varsel om fornying på e-post eller mobil, betyr det at du har eit løyve som kan fornyast. NB! Varselet inneber ikkje nødvendigvis at du fyller krava for løyvet.
Det er i hovudsak personer som har registrert kontaktopplysningane sine vi Søknad på Nett som vil få e-post eller sms. Du har sjølv ansvar for å fornye løyvet ditt, uansett av om du har fått varsel eller ikkje.
Dersom du allereie har registrert søknaden din om fornying på nettet og levert dokumentasjon eller fått time for levering, kan du sjå bort frå varselet du har fått på sms eller e-post.
Varselet blir sendt til den adressa eller telefonnummeret som er registrert i søknaden din tidligare. Dersom du har fått ein SMS eller e-post og ikkje sjølv er søkjaren, har du høve til å endre kontaktinformasjonen når du registrerer fornying i Søknad på nett.
Dersom du har fått F-kode på e-post eller mobil
Dersom du har fått F-kode på e-post eller mobil, kan du fornye løyvet ditt med forenkla prosess. Du sparer tid når du registrerer, og du treng berre å møte opp hos politiet éin gong.
Forenkla fornying registrer du ved å logge på Søknadsportalen og velje Registrere søknad om forenklet fornyelse.
Dersom du har får F-koda etter at du har registrert søknaden din om fornying, kan du sjå bort frå SMSen/e-posten.
Du må bestille time sjølv om du bruker forenkla fornying
Sjølv om du leverer forenkla fornying, må du bestille time hos politiet for å levere dokument. Merk deg at nokre politidistrikt kan ha lang ventetid før du får time. Derfor bør du registrere søknaden og bestille time med ein gang du har fått F-koda.
Har du norsk utlendingspass eller reisebevis?
Dersom du har norsk utlendingspass eller reisebevis og skal fornye det, må du registrere ein eigen søknad i Søknadsportalen. Du finn den ved å velje Gå til søknadsskjemaer.
Noen kan søke om permanent opphaldsløyve
Dersom du har hatt eit opphaldsløyve som dannar grunnlag for permanent opphaldsløyve i de siste tre åra, kan du søke om permanent opphaldsløyve. Da skal du ikkje bruke F-koda.
Dersom du ikkje har fått F-kode, må du søkje på vanleg måte
Ikkje alle får F-kode, og du kan berre bruke forenkla prosess når du har fått F-kode. Dersom du ikkje har fått F-koda innan 75 dagar før løyvet ditt løp ut, må du søkje om fornying på vanleg måte ved å velje Søknadsskjema for borgere av alle land. Utløpsdatoen finn du på opphaldskortet eller etiketten i passet ditt. Du kan ikkje få F-kode frå UDI eller politiet.
Meir informasjon
