Her finn du ei oversikt over forventa sakshandsamingstid for søknader om studieløyve. Denne oversikta er rettleiande.
Sakshandsamingstid for studieløyve
| Sakshandsamingstid |
Månader |
|
Studieløyve |
2 |
|
Fornying |
3 |
|
Klager over avslag |
1 |
Rettleiande sakshandsamingstid
Informasjonen om sakshandsamingstid er rettleiande. Nokre saker kan ta kortare eller lengre tid.
Vi oppgir sakshandsamingstida med utgangspunkt i kor lang tid det har teke å handsame størstedelen av søknadene dei siste seks månadene.
Sakshandsamingstidene endrar seg
Vi går gjennom tabellane kvar tredje månad og endrar opplysningane viss sakshandsamingstidene endrar seg. Dette inneber at sakshandsamingstida for søknaden din kan endre seg etter at du har levert søknaden.
Førstegongssøknader
Vi reknar sakshandsamingsstida frå den dagen då du leverer søknaden hos politiet eller ved ambassaden/konsulatet, og til UDI har fatta vedtak i saka.
UDI har som mål å handsame studiesøknadene innan studiestart. Det er viktig at du legg ved all nødvendig dokumentasjon. Søknader som manglar dokumentasjon, eller der det er tvil om at alle vilkåra er oppfylte, tek lengre tid å handsame.
Skal du ta til med å studere i januar bør du søkje allereie i oktober.
Skal du ta til med å studere i august, bør du søkje allereie i mai.
Fornyingar
Politiet handsamar dei fleste søknader om fornying av studieløyve. Viss det manglar dokumentasjon i saka eller politiet er i tvil om avgjersla, sender dei søknaden til UDI.
Viss du søkjer om fornying av løyvet ditt seinast ein månad før det noverande løyvet ditt går ut, har du framleis rett til å studere og arbeide deltid.
