I løpet av første halvår i år er det gitt 15 100 nye arbeidsløyve. Det inneber ein nedgang på 43 prosent frå dei 26 600 løyva som blei gitt i den same perioden i fjor. Samtidig held talet på fornyingar – det vi seie kor mange som fornyar eit arbeidsløyve som er i ferd med å gå ut – seg meir stabilt, sjølv om det også her er ein liten nedgang frå 23 500 i første halvår 2008 til 22 300 i år.

– Utviklinga har snudd

– Etter ein jamn auke i fleire år ser vi at utviklinga har snudd, og at det no kjem færre nye arbeidsinnvandrarar av dei som treng eit løyve. Det var først i vår at dette verkeleg blei merkbart i statistikkane våre, seier UDI-direktør Ida Børresen.

Framleis blir det gitt flest nye løyve til polske borgarar, men det er også denne gruppa som har størst nedgang.

Når det gjeld talet på gyldige arbeidsløyve per 1. juli, har også det gått ned samanlikna med 1. juli i fjor, frå 103 600 til 100 500. Framleis er det klart flest polske borgarar som har gyldig arbeidsløyve, og dei fleste jobbar innanfor bygg og anlegg.

Førstegongsløyve i første halvår

Gyldige løyve fordelte på nasjonalitet per 1. juli 2009

Bortfall av overgangsreglane

Frå 1. mai 2009 er det berre arbeidstakarar frå Romania og Bulgaria som er omfatta av overgangsreglane. Det inneber at søkjarar frå dei andre ”nye EØS-landa” kan få førstegongsløyve som varer i opptil fem år.

– Vi reknar med at fleire får løyve med lang varigheit, og at talet på godkjende løyve med kort varigheit vil gå noko ned, seier Børresen.

Meir informasjon:

UDIs pressetelefon: 23 35 17 00
www.udi.no/statistikk