Kva gjorde UDI i 2011?

I 2011 behandla vi til saman 98 100 søknader. Familieinnvandring og statsborgarskap var dei største kategoriane. 

Figur: Søknader behandla av UDI i 2011

I tillegg behandla også politiet og utanriksstasjonane mange søknader.

Mottaksapparatet

I tillegg har vi ansvar for at asylsøkjarane får tilbod om ein stad å bu. Vi la ned over 700 mottaksplassar, og ved utgangen av året hadde vi 18 400 mottaksplassar fordelte på 116 mottak. 

Frivillig retur

Vi skal også finne gode løysingar for dei som ønskjer å reise tilbake til heimlandet, og behandlar søknader om frivillig, assistert retur. 1 800 asylsøkjarar returnerte frivillig til heimlandet med bistand frå norske styresmakter etter å ha fått avslag på asylsøknaden sin i 2011, 25 prosent fleire enn året før.

Brukarservice

I løpet av året svarte vi på 158 300 telefonførespurnader og 83 400 e-postar frå brukarane. Vi svarte også på 5 500 supportførespurnader til Søknad på nett og tok imot 34 600 gjester i Servicesenteret.