(kartet er klikkbart)

(Større utgåve)

Stortinget

Det er Stortinget som fastset rammene for flyktning-, innvandrings- og integreringspolitikken. Stortinget legg òg rammer for integreringsarbeidet i kommunane gjennom introduksjonslova og ved å fastsetje storleiken på integreringstilskotet kommunane får i samband med busetjing av flyktningar.

Justisdepartementet

Utlendingsdirektoratet (UDI)

UDI skal sørgje for regulert innvandring ved å behandle søknader om ulike typar opphalds- og arbeidsløyve, og skal dessutan sikre flyktningar vern ved å behandle asylsøknader. Som fagleg overordna organ instruerer UDI politiet og utanriksstasjonane gjennom rundskriv. Direktoratet behandlar dei sakene utanrikstenesta og politiet ikkje har vedtaksmyndigheit til å avgjere, og dei sakene der det er usikkert om løyve bør tildelast.

UDI har til mål at norsk innvandrings- og flyktningpolitikk skal drivast så effektivt, korrekt og omsynsfullt som mogleg. Det er eit mål som krev rask og rett behandling av alle innkomne søknader og god service overfor brukarane. Telefon: 23 35 15 00 E-post: udi@udi.no

Integrerings- og mangfaldsdirektoratet (IMDi)

IMDi blei oppretta 1. januar 2006, og fagfeltet integrering blei overført frå UDI. Mellom oppgåvene til IMDi er å setje i verk statens politikk for busetjing av flyktningar og å følgje opp introduksjonslova, rett og plikt til norskopplæring og St.meld. nr. 49 (2003–2004) Mangfold gjennom inkludering og deltakelse – ansvar og frihet. Telefon: 24 16 88 00 Integrerings- og mangfaldsdirektoratet: www.imdi.no

Utlendingsnemnda (UNE)

UNE er eit frittståande domstolsliknande forvaltingsorgan som behandlar klagar på UDI-vedtak etter utlendingslova og utlendingsforskrifta. Administrativt er nemnda underlagd AID. Utlendingsnemnda er overordna UDI som lovtolkande organ, og praksis i nemnda er retningsgivande for praksis i UDI. Utlendingsnemnda: www.une.no

Landinfo – utlendingsforvaltigas fageining for landinformasjon

Eininga har til oppgåve å innhente og analysere informasjon om samfunnsforhold og menneskerettar i land som UDI, UNE og AID har behov for kunnskap om. Eininga er fagleg uavhengig, men administrativt knytt til UDI. Landinfo: www.landinfo.no

Politiets utlendingseining

Hovudoppgåvene er å registrere asylsøkjarar, undersøkje reiseruta til asylsøkjaren, fastslå identitet, førebu og setje i verk endelege avslag i asylsaker og koordinere og kvalitetssikre alle uttransporteringar frå Noreg. Politiets utlendingseining: www.politi.no/pu

Politidistriktane

Dei 27 politidistrikta tek imot og førebur søknader om opphalds- og arbeidsløyve, og dei behandlar ein stor del av søknadene dei tek imot. Saker politiet ikkje kan behandle sjølv, blir sende til UDI. Politiet kan ikkje avslå søknader. I tillegg opprettar politiet utvisingssaker som blir avgjorde av UDI. Dei kan òg gjere bortvisingsvedtak etter nærmare tilvising i utlendingsforskriftene. Politidistrikta er underlagde Politidirektoratet, som igjen er underlagt Justis- og politidepartementet.

Internett: www.politi.no
E-post: politidirektoratet@politiet.no

Utenrikstenesta

Dei norske utanriksstasjonane speler ei viktig rolle som førstelinjeteneste for utlendingar som vil besøkje eller flytte til Noreg. Informasjon om regelverk og prosedyrar, behandling av søknader om besøksvisum og mottak og førebuing av søknader om visum og opphald som skal behandlast av UDI, er mellom oppgåvene til utanriksstasjonane. Saker som utanriksstasjonane ikkje kan behandle sjølve, blir sende til UDI.
Utanriksstasjonar i land det kjem asylsøkjarar frå, rapporterer også til Landinfo om menneskerettsforhold. Ved behov verifiserer dei konkrete opplysningar i asylsaker på vegner av UDI og UNE.

Utanriksstasjonane er underlagde Utanriksdepartementet. Utanriksdepartementet: www.utenriksdepartementet.no
Ambassadane har desse heimesidene: www.norway.info

Kommunesektoren

Kommunane er sentrale i arbeidet med å leggje til rette for integrering og mangfald på lokalplan. Kommunane buset flyktningar i samarbeid med IMDi. Frå 1. september 2004 blei det kommunale integreringsarbeidet lovregulert gjennom introduksjonslova. Introduksjonslova skal sørgje for at flyktningar og deira familiesameinte får individuell opplæring i norsk og samfunnskunnskap, og har tiltak som førebur dei til arbeidslivet. Kommunane skal òg sørgje for at det generelle kommunale tenestetilbodet er tilpassa ei fleirkulturell befolkning. KS: www.ks.no