F-koden vert send automatisk

Dersom du kan søkje med F-kode, sender vi den automatisk til deg. Du får den første gong 105 dagar før opphaldstillatelsen din går ut, og på nytt 75 dagar før dersom du ikkje har brukt den.

Dersom du ikkje får tilsendt ein F-kode, må du søkje om fornyelse av opphaldstillatelsen din på vanleg måte.

Dette må du gjere dersom du har fått ein F-kode

1. Dersom du får ein sms eller e-post med F-kode, bør du så snart som mogeleg registrere søknaden din på Søknadsportalen, og bestille time hos politiet. Det kan vere fleire vekers ventetid på å få time.
2. Seinast éin månad før opphaldsløyvet ditt går ut må du møte opp til avtalt tid hos politiet for å levere dokumenta dine. Først då er søknaden levert. 

Dersom lang kø hos politiet gjer at du ikkje får time innan fristen, må du bestille den første ledige timen.

Da vil du framleis ha dei same rettane som før til å jobbe, studere og så vidare medan du ventar på at vi behandlar søknaden din. Du vil ha desse rettane heilt til du har fått svar på søknaden, sjølv om opphaldsløyvet ditt går ut i mellomtida.