Ny 24-årsgrense for dei som skal gifte seg
Frå og med 20. april 2018 blei det innført eit nytt krav for dei som skal søkje om opphaldsløyve for å gifte seg i Noreg (også kjend som trulovavisum). Begge dei trulova må ha fylt 24 år.
Dette gjeld for trulova som har levert søknadsdokumenta hos politiet, ambassaden, konsulatet eller søknadssenteret 20. april 2018 eller seinare.
24-årsgrensa blei innført for ektefellar og sambuarar 1. januar 2017. No gjeld den altså også for dei som søkjer om opphaldsløyve for å gifte seg i Noreg.
Det er Stortinget og regjeringa som har bestemt det nye kravet.
Les meir om det nye kravet og kven som kan få unntak.