Politiets utlendingskontor er opne med avgrensa tilbod
Det kan derfor vere vanskeleg å bestille deg time. For nokon typar søknader vil det ikkje vere mogleg å bestille time no.
Slik bestiller du time
Du kan ikkje kontakte UDI for å få time hos politiet.
Viss du har levert ein søknad gjennom Søknadsportalen, kan du følge med i Søknadsportalen til du finn tilgjengeleg time for sakstypen din.
Viss du får ein beskjed om at det ikkje er nokon ledige timar, eller du ikkje ser nokon knapp for å bestille time etter at du har opna søknaden din, så betyr det at det ikkje er nokon ledige timar no, og du må prøva igjen seinare.
På politiet sine nettsider finn du informasjon om kva saker som blir prioriterte hos det næraste politikontoret ditt (ekstern nettstad), og informasjon om kvar du skal møta opp når du får time. Hugs at du ikkje kan møte opp hos politiet utan ein avtale.
Følg med på beskjedar du får frå politiet
Viss du har søkt om opphaldsløyve kan du bli kontakta av politiet og blir bede om å laste opp dokumentasjon elektronisk i staden for å møte hos politiet. Viss politiet kontaktar deg, skal du alltid følge rettleiinga du får frå politiet. Du kan ikkje kontakte politiet eller UDI og be om å få levere dokumentasjon elektronisk