Kven må levere bilete?

Alle som får eit visum eller eit løyve, skal ha ein etikett med bilete. Dersom søknaden din også omfattar barnet ditt, må du derfor levere bilete både av deg sjølv og av barnet.  

Krav til biletet

Biletet skal vere best mogleg eigna til å identifisere deg og må tilfredsstille visse krav til utforming og kvalitet. Dersom biletet du legg ved, ikkje oppfyller alle krava, vil du bli bedt om å levere eit nytt.

• Godkjende bilete skal vise heile hovudet (ansiktet skal dekkje 70–80 % av biletet) og toppen av skuldrene.
• Auga skal vere opne og klart synlege, og hår skal ikkje dekkje auga.
• Det er tillate med briller på biletet. Glasa skal ikkje vere farga, innfatninga skal ikkje skjule noko av auga, og det må ikkje vere refleksjon i glasa.
• Det er tillate med religiøse hovudplagg. Føresetnadene er at alle detaljar i ansiktet kjem klart fram. Både haka, panna og begge kinna skal vere synlege. Hovudplagget må heller ikkje kaste skuggar over ansiktet.

Biletet skal i tillegg vere:

• i skarpt fokus, klart og med god kontrast 
• trykt på fotopapir av god kvalitet og ha høg oppløysing 
• teke rett framanfrå, og mot ein lys bakgrunn
• i fargar
• 35–40 mm breitt
• maksimalt seks månader gammalt, og likne på deg
  

Illustrasjon av krav til bilete:

Eksempel på ikkje godkjende fotografi:

 

 

Eksempel på godkjende fotografi: