Minst ein av dei vaksne i alle familiar som skal ha ein au pair, må gjennomføre kurset. Hvis de er to vaksne i familien, anbefaler vi at de tek kurset saman.

Slik gjennomfører de kurset 

Gå til e-læringskurset (eksternt nettsted), opprett ein brukar og logg inn. Kurset tek ca. 30 minutt og blir avslutta med ein kort test som de må bestå.
Når de har gjennomført kurset, får de tilsendt eit kursbevis til den e‑postadressa de brukte då de oppretta ein brukar – seinast 24 timar etter at de fullførte kurset. Kursbeviset er gyldig i 18 månader.
De må videresende kursbeviset til au pairen anten på e‑post eller med vanleg post. Au pairen må levere kursbeviset inn saman med dei andre søknadsdokumenta hos politiet, på ambassaden/konsulatet eller på søknadssenteret.

Dette lærer de om 

I e‑læringskurset vil de som skal bli vertsforeldre bli betre kjende med formålet med au pair-ordninga, og rettane og pliktene som de og au pairen har.

I kurset vil de også få tips til korleis de kan ønskje au pairen velkommen og til korleis de kan takle kulturforskjellar og eventuelle utfordringar som kan oppstå undervegs i opphaldet. Kurset er utvikla av UDI i samarbeid med Au Pair Center i Oslo.

Har du mista kursbeviset?

Kursbeviset er gyldig i 18 månader. Hvis de ikkje kan finne e‑posten med kursbeviset, kan de logge dykk inn på e-læringskurset (eksternt nettsted) med same brukarnamn og passord som de brukte då de tok kurset. De finn kursbeviset ved å trykke på «Mine aktivitetar» på første sida av kurset. Skriv ut kursbeviset, skann det og send det til au pairen med e‑post, eller send det med vanleg post.