Kven er du?

• Diplomat

  Dersom du skal vere diplomat i Noreg, treng du ikkje opphaldsløyve.

  Du blir rekna som diplomat dersom du er tilmeld og akseptert av Det norske utanriksdepartementet.

  For å bli akseptert må du

  • vere send ut for å representere landet ditt ved ein ambassade eller eit konsulat i Noreg
  • ha ei betalt stilling 

  Du kan ikkje ta deg anna arbeid i Noreg. 

• NATO-personell

  Dersom du skal arbeide eller gjere eit oppdrag for NATO, treng du ikkje opphaldsløyve.

  Du må vere tilmeld og akseptert av Det norske forsvarsdepartementet. 

  Du kan ikkje ta deg anna arbeid i Noreg. 

• Militærpersonell

  Viss du er militærpersonell som tilhøyrer ein medlemsstat i NATO, eller viss du er militært eller sivilt personell i den amerikanske styrken, treng du ikkje opphaldsløyve. 

  Du må ha fått ei stadfesting på status frå det norske forsvarsdepartementet. 

  Du kan ikkje ta deg anna arbeid i Noreg.

• Tilsett hos diplomatar eller NATO-personell

  Du treng ikkje opphaldsløyve dersom du skal arbeide

  • i privat teneste for diplomatar eller NATO-personell
  • som utsendt hjelpepersonale ved ein ambassade eller eit konsulat

  Du må vere tilmeld og akseptert av Det norske utanriksdepartementet eller Det norske forsvarsdepartementet.

  Du kan ikkje ta deg anna arbeid i Noreg. 

• Familiemedlem av diplomat eller NATO-personell

  Dersom du er ektemake, sambuar eller barn av ein diplomat eller NATO-personell, og ikkje skal arbeide i Noreg, treng du ikkje søkje om opphaldsløyve.

  Dersom du skal arbeide eller drive næringsverksemd i Noreg, må du søkje om opphaldsløyve som familiemedlem av diplomat eller NATO-personell.

  Krav for å få opphaldsløyve

  • Du må vere ektemake, sambuar eller eit barn som er forsørgt av ein diplomat eller NATO-personell.
  • Du må vere tilmeld og akseptert av Det norske utanriksdepartementet eller Det norske forsvarsdepartementet.  

  Slik søkjer du

• Familiemedlem av militærpersonell

  Viss du er ektefelle, sambuar eller barn av militærpersonell og ikkje skal arbeide i Noreg, treng du ikkje søkje om opphaldsløyve.

  Viss du skal arbeide eller drive næringsverksemd i Noreg, må du søkje om eit opphaldsløyve som familiemedlem av militærpersonell.

  Krav for å få opphaldsløyve 

  • Du må vere ektefelle, sambuar eller barn av
    
    • militærpersonell som tilhøyrer ein medlemsstat i NATO, eller
    • militært eller sivilt personell i den amerikanske styrken.
  • Du må ha fått ei stadfesting på status av det norske forsvarsdepartementet.

  Slik søkjer du