Eg er britisk borgar og ønskjer å besøkje Noreg. Må eg søkje om besøksvisum for å reise til Noreg no?
Nei. Britiske borgarar kan reise inn og opphalde seg i Noreg og resten av Schengenområdet utan visum. Du kan opphalde deg på Schengenområdet i inntil 90 dagar i løpet av alle periodar på 180 dagar. Viss du treng å opphalde deg lengre enn 90 dagar, må du søkje om eit opphaldsløyve.
Dersom du er ein britisk borgar som er busett i eit EU/EØS-land og har opphaldskort frå dette landet, kan du vere i Noreg i inntil 90 dagar på besøk før du må reise tilbake til landet du bur i.