Mellombels opphaldsløyve med flyktningstatus (vern/asyl)
Viss du har eit mellombels opphaldsløyve kan UDI bestemme at opphaldsløyvet ditt ikkje skal gjelde lenger. Det kan bety at du enten ikkje får bu i Noreg lengre, eller at du får eit nytt opphaldsløyve og opphaldet i Noreg byrjar å telje på nytt.
Viss du mistar opphaldsløyvet ditt, mistar du òg dei norske reisedokumenta dine.
Korleis får eg vite at eg kan miste opphaldsløyvet mitt?
-
Du kan bli kalla inn til intervju hos politiet
Viss vi treng meir informasjon i saka di kan politiet eller UDI kalle deg inn til eit intervju.
-
Du får førehandsvarsel om tilbakekalling
Viss UDI meiner at du skal miste opphaldsløyvet ditt får du eit førehandsvarsel frå UDI der vi ber deg om å forklare ditt syn på saka. Du kan få hjelp av ein advokat til å skrive svaret og utgiftene til advokat blir dekt.
-
Du har rett til hjelp frå ein advokat
Viss du får eit førehandsvarsel eller vedtak om tilbakekall, har du rett til å få utgiftene til advokat dekte. Du må kontakte advokat sjølv. Sjå døme på korleis her. (eksternt nettsted)
-
Du har rett til å sjå dokumenta i saka di
Dersom du vil sjå dokumenta i saka di, må du be om innsyn i saka di her.
Grunnar til at du kan miste opphaldsløyvet ditt
-
Du har gitt urette opplysningar i saka di
Viss du har gitt urette opplysningar i saka di kan UDI bestemme at du skal miste opphaldsløyvet ditt. Opplysningane må ha vore viktige for saka di for at UDI skal ha lov til å bestemme at du skal miste løyvet ditt.
UDI kan òg bestemme at du skal miste opphaldsløyvet ditt viss du har utelate å gi oss opplysningar som var viktige for saka di.
-
Du har gitt urette opplysningar om identiteten din
UDI kan bestemme at du skal miste opphaldsløyvet ditt viss du har gitt oss feil opplysningar om identiteten din.
-
Du har gitt urette opplysningar om asylgrunnlaget ditt
UDI kan bestemme at du skal miste opphaldsløyvet ditt viss du har gitt oss feil opplysningar om asylgrunnlaget ditt.
-
Kva betyr det?
Det betyr at du mistar både flyktningstatusen din og det mellombelse opphaldsløyvet.
-
Du har vore i heimlandet
UDI kan bestemme at du skal miste flyktningstatusen din og opphaldsløyvet ditt viss du har besøkt eller har flytta tilbake til heimlandet ditt.
-
Du har vorte statsborgar av eit anna land
UDI kan bestemme at du skal miste flyktningstatusen din og opphaldsløyvet ditt viss du har vorte statsborgar i eit anna land.
-
Situasjonen i heimlandet ditt har endra seg
UDI kan bestemme at du skal miste flyktningstatusen din og opphaldsløyvet ditt viss situasjonen i heimlandet ditt har endra seg. Dette kallast nokon gonger «opphøyr».
-
Du har gjort kriminelle handlingar i Noreg
UDI kan bestemme at du skal miste flyktningstatusen din og opphaldsløyvet ditt viss du har gjort kriminelle handlingar i Noreg.
Korleis får eg vite at eg har mista opphaldsløyvet mitt?
-
Du får eit vedtak frå UDI
Viss UDI bestemmer at du skal miste opphaldsløyvet ditt, får du eit vedtak frå UDI. I vedtaket står det kvifor UDI kallar tilbake opphaldsløyvet ditt.
-
Du kan klage på vedtaket
Du kan klage på vedtaket om tilbakekall. Sjå https://www.udi.no/ord-og-begreper/klage-pa-et-vedtak/#link-1009
-
Du har rett til hjelp frå ein advokat
Viss du får eit førehandsvarsel eller vedtak om tilbakekall, har du rett til å få utgiftene til advokat dekte. Du må kontakte advokat sjølv. Sjå døme på korleis her. (eksternt nettsted)
-
Du har rett til å sjå dokumenta i saka di
Dersom du vil sjå dokumenta i saka di, må du be om innsyn i saka di her.
Må eg reise frå Noreg?
-
Du kan få nytt løyve
UDI vurderer om du kan få eit nytt løyve, til dømes dersom:
- du har ei særleg tilknyting til Noreg
- det er sterke menneskelege omsyn i di sak, eller
- om du er verna mot retur til heimlandet ditt
-
Du må kanskje reise frå Noreg
Viss du ikkje får nytt løyve, må du reise frå Noreg. Det står i vedtaket ditt om du må reise frå Noreg, og kva som er fristen for å reise frå Noreg.