Krav til å søkje

• Du må ha blitt norsk statsborgar då du blei fødd. Viss du er usikker på om du blei norsk då du blei fødd, kan du sjekke i guiden vår.
  • Det må vere registrert i Folkeregisteret at du er norsk statsborgar. Viss du har eit gyldig norsk pass er dette i orden. Viss du ikkje har eit gyldig norsk pass, må du sjekke med Folkeregisteret at du er registrert som norsk statsborgar (ekstern nettstad).
• Du kan ikkje allereie har mista det norske statsborgarskapet ditt fordi du ble statsborgar av eit anna land. Viss du er usikker på om du har mista statsborgarskapet ditt, kan du sjekke i guiden vår.
• Du må ha opphalde deg i Noreg i til saman seks månader. Dette kan vere fordelt på fleire kortare opphald/feriar.

Unntak til kravet om seks månader i Noreg

Viss du ikkje har opphaldt deg i Noreg i til saman seks månader, kan du likevel få behalde det norske statsborgarskapet ditt, viss du har ei sterk tilknyting til Noreg. Når UDI vurderer om du du har ei sterk tilknyting, vil vi leggje vekt på om du:

• er busett i Noreg no, eller
• ved ein feil har fått eit norsk pass som er gyldig lengre enn til du fyller 22 år

Når må du søkje?

Du må søkje før du fyller 22 år. Viss du søkjer etter at du har fylt 22 år, kan vi likevel behandle søknaden din viss du ikkje kan klandrast for at fristen ikkje blei haldt, eller viss det ville vere urimeleg at du mista det norske statsborgarskapet ditt.

Viss du fylte 22 år før 1. september 2006, gjeld det eigne reglar. Ta kontakt med UDI for å avklare reglane i slike tilfelle. 

Søknader for barn under 18 år

Viss du er under 18 år, må foreldra dine søkje på dine vegner. Begge foreldra dine må underteikna søknaden, med mindre den eine har foreldreansvaret åleine. Ei oppnemnd verje kan òg sende ein slik søknad. Viss du har fylt 12 år, må du samtykke i søknaden.