Korleis klagar eg på eit vedtak frå UDI?
Kven kan levere ei klage?
- Du som skal klage, må anten sjølv vere søkjaren (personen som ønskjer å besøkje eller bu i Noreg), eller ha fått ha fått ei fullmakt av søkjaran.
- Viss du er familiemedlemmen, arbeidsgivaren eller vennen til søkjaren i Noreg og skal klage for dei, må du altså ha fått ei fullmakt av søkjaren.
Kva er fristen for å klage?
- Du må klage innan tre veker frå du, fullmektigen din eller advokaten din fekk vedtaket, eller frå de burde ha skaffa dykk kjennskap til det.
- Har du ikkje rokke å skaffe all dokumentasjonen du ønskjer å leggje ved klaga innan tre veker? Då må du uansett sende inn klaga innan fristen, men du kan skrive i klaga at du ønskjer å sende oss meir dokumentasjon. Då vil du få ein ny frist på to veker til å sende inn dokumentasjonen.
Korleis skal du klage?
- Skriv eit brev der du forklarer kva vedtak du klagar på og kvifor du meiner at vedtaket du har fått er feil. Brevet må vere på norsk eller engelsk.
- Skriv under på brevet. (Klager utan underskrift blir avvist.)
- Skann eller ta bilete av det signerte brevet og last det opp i skjemaet vårt for ettersending av dokument til UDI. Du kan også sende brevet til politiet. Viss du har ny informasjon eller dokumentasjon, må du leggje ved dette.
- Når UDI har fått klaga di, får du beskjed på e-post eller SMS.
Det kostar ikkje noko å klage.
Kor lang tid tek det før du får svar på klaga di?
Sjå informasjonen vår om ventetider.
Kva skjer når du klagar på eit vedtak?
- Når du klagar vil UDI sjå på saka di på nytt.
- UDI kan anten innvilge søknaden din, eller sende den vidare til Utlendingsnemnda (UNE) for klagebehandling. Viss vi sender den vidare til UNE, vil du få beskjed på e-post eller SMS.
- UNE vil behandle saka di på nytt, og anten avslå søknaden din, eller innvilge han.
- Viss UNE også avslår søknaden din, har du ikkje fleire klagemoglegheiter.