Russisk ufaglært arbeidar

---

• Du må betale eit søknadsgebyr.
• Du må vere russisk borgar og ha vore busett i Barentsregionen i minst eitt år. Det vil seie Murmansk oblast, republikken Karelen, Arkhangelsk oblast eller Nenetsia autonome okrug.

Krav til arbeidsforhold

• Du må ha eit konkret tilbod om arbeid i Nord-Noreg (Nordland, Troms og Finnmark).
• Du må vanlegvis arbeide heiltid for éin arbeidsgivar.
• Lønns- og arbeidsvilkåra kan ikkje vere dårlegare enn det som er vanleg i Noreg.
• Arbeidsgivaren må få ei stadfesting frå Nav om at det ikkje er mogleg å finne nok arbeidarar frå Noreg eller EØS til å gjere jobben.
• Arbeidet du skal utføre, kan ikkje krevje faglært kompetanse.

Rettar og plikter

• Du må søkje om nytt løyve dersom du skal byte stilling eller arbeidsgivar.
• Du kan få løyve for eitt år om gongen. Løyvet kan fornyast for eitt år til, men etter det må du ha budd utanfor Noreg i eitt år før du kan søkje om nytt løyve.
• Tida du har dette opphaldsløyvet tel ikkje med dersom du seinare skal søkje om permanent opphaldsløyve. 
• Familiemedlemmene dine kan ikkje søkje om familieinnvandringsløyve for å bu saman med deg i Noreg.