Nettsiden www.udi.no fungerer ikke i nettleseren Opera Mini, som du bruker nå. Du må bruke en annen nettleser, for eksempel Opera eller standardnettleseren på telefonen din.
Som au pair kan du auke språkkunnskapane dine og få betre kjennskap til det norske samfunnet ved å bu hos ein norsk familie. Til gjengjeld bidreg du med lettare husarbeid og/eller barnepass for vertsfamilien.
Au pairen er som ein familiemedlem (bur og et saman med familien og deltek i aktivitetar saman med dei)
Ein au pair gjer vanlegvis lettare arbeidsoppgåver som husarbeid, barnepass og pass av kjæledyr (hund, katt osb.)
UDI sin kontrakt om kulturutveksling mellom au pair og vertsfamilie (pdf, 782 kB). Denne kontrakten skal brukast av au pairar som kjem frå land utanfor EU/EØS-land. Viss du og vertsfamilien ønskjer å bruke denne kontrakten kan de endre på han, men endringar må ikkje vere i strid med det som står i arbeidsmiljølova (eksternt nettsted). Det må stå tydeleg kor mykje du skal få i lønn per time eller per månad og kor mange timar du skal jobbe kvar veke. Som EU/EØS-borgar kan du arbeide meir enn det som står i denne kontrakten, viss du også får meir lønn.
Rettar og plikter
Du kan fritt byte vertsfamilie eller jobb og du kan ha ein eller fleire arbeidsgivarar.
Viss du skal vere au pair i Noreg i meir enn tre månader, er du arbeidstakar og må derfor registrere deg gjennom registreringsordninga for EU/EØS-borgarar.
Du kan flytte til Noreg og byrje å vere au pair med ein gong, men må registrere deg seinast tre månader etter at du kom til Noreg.
Du skal berre registrere deg éin gong, same kor lenge du skal bu i Noreg. Du kan også byte frå til dømes å jobbe som au pair til anna arbeid utan å måtte registrere deg på nytt.
