Har søkt Arbeidsinnvandring
Spørsmål og svar
-
Korleis sender du inn ny dokumentasjon?
Dersom du har ny dokumentasjon til søknaden din, kan du sende han til UDI.
-
Kva skjer med søknaden medan du ventar?
- Etter at du har levert søknadsdokumenta til politiet, SUA eller ambassaden, blir saka send over til UDI. Når søknaden din kjem fram til UDI vil du få beskjed på e-post eller SMS.
- I UDI vil saka liggje i kø. Saksbehandlarane tek sakene i tur og orden. Når saka di er først i køen, får du tildelt ein saksbehandlar som gjer eit vedtak.
- Når UDI har fatta eit vedtak, vil du få beskjed av politiet, UDI eller ambassaden. Dersom du har gitt nokon fullmakt i saka di, er det alltid denne personen som får beskjed, og må gi deg beskjed.
-
Kor lenge må du vente før du får svar på søknaden din?
Gå til vår guide til ventetid i arbeidssaker.
-
Kan du reise inn i Noreg før du har fått svar på søknaden?
Reglar for sesongarbeidarar
- Dersom du ikkje treng visum for å besøkje Noreg, kan du reise inn i Noreg før du har fått svar på søknaden din.
- Dersom du treng visum, må du vente med å reise inn i Noreg til du har fått svar på søknaden din.
Reglar for dei med faglært kompetanse
Sjekk om du har faglært kompetanse.
- Dersom du ikkje treng visum for å besøkje Noreg, eller dersom du har eit gyldig visum, kan du reise inn i Noreg og bli her til søknaden er behandla, sjølv om visumet ditt eller den visumfrie perioden går ut i mellomtida.
- Dersom du treng visum for å besøkje Noreg og politiet har gitt arbeidsgivaren din ei stadfesting på at du kan begynne å arbeide før søknaden er behandla (tidleg arbeidsstart), vil ein norsk ambassade eller konsulat gi deg eit innreisevisum. Da kan du bli i Noreg til du har fått svar på søknaden din.
- Dersom du treng visum for å besøkje Noreg og arbeidsgivaren din ikkje har fått ei stadfesting om tidleg arbeidsstart, må du søkje om innreisevisum for faglærte. Dersom du får det, kan du reise inn i Noreg og bli her til du har fått svar på søknaden din.
Reglar for andre
Alle andre arbeidstakarar må vente med å reise inn i Noreg til dei har fått svar på søknaden.
-
Kan du få eit innreisevisum for faglærte?
Faglærte som treng visum for å besøkje Noreg, kan i nokre tilfelle få eit innreisevisum, slik at dei kan reise til Noreg for å søkje om opphaldsløyve hos politiet eller vente på svar på søknaden om opphaldsløyve.
Eit slikt visum gir deg ikkje rett til å arbeide i Noreg, men det gir deg rett til å opphalde deg i Noreg medan du ventar på at UDI behandlar søknaden din om opphaldsløyve.
For å få eit slikt visum må det vere sannsynleg at du vil få ja på søknaden din om opphaldsløyve som faglært.
NB! Dersom du allereie har fått ja på søknaden din om arbeidsinnvandring, skal du ikkje søkje om innreisevisum for faglærte.
Krav for å få eit innreisevisum
- Du må ha søkt om, eller du skal søkje om, opphaldsløyve for faglærte med arbeidsgivar i Noreg eller opphaldsløyve for idrettsutøvar eller trenar.
- Du må ha eit konkret tilbod om arbeid for éin arbeidsgivar i Noreg.
- Stillinga må vanlegvis vere på heiltid.
- Du må ha kompetanse som faglært.
- Stillinga du har fått tilbod om, må krevje kompetanse som faglært. Du må ha den kompetansen som stillinga krev.
- Dersom du skal arbeide i eit yrke der det krevst ei godkjenning eller ein autorisasjon (ekstern nettstad), må du ha dette. For eksempel må helsepersonell leggje ved autorisasjon eller lisens frå Helsedirektoratet (ekstern nettstad).
Slik søkjer du om innreisevisum
- Du må søkje ved ein norsk ambassade. Dersom du bur i eit land der svenske eller danske ambassadar representerer norske myndigheiter, må du kontakte ein norsk ambassade i eit land der svenske eller danske ambassadar ikkje representerer norske myndigheiter. Sjå oversikta over ambassadar for å sjekke om ambassaden er norsk eller ikkje.
- Lever søknad om besøksvisum, men skriv i søknaden at du ønskjer innreisevisum (D-visum).
- Dersom du ikkje allereie har levert søknaden din om opphaldsløyve, må du no levere alle dokumenta på sjekklista for faglærte.
- Det er ambassaden som behandlar søknaden din om innreisevisum. Dersom du får avslag, kan du levere ein skriftleg klage til ambassaden. Ambassaden vil vurdere søknaden din på nytt. Dersom dei ikkje vil innvilge han, vil ambassaden sende saka til UDI. UDI vil behandle søknaden på nytt, og anten avslå eller innvilge han.
-
Kan du få helsehjelp mens du venter på svar på en søknad om oppholdstillatelse?
UDI kan ikke svare på hvilke rettigheter til helsehjelp du har. Du kan lese om dette på Helsenorge sine nettsider (eksternt nettsted).
Alle som oppholder seg i Norge har rett til øyeblikkelig hjelp (eksternt nettsted), og alle som oppholder seg i Norge får gratis helsehjelp hvis de er smittet av koronavirus (eksternt nettsted).
Hvis du har en fornybar oppholdstillatelse i Norge og søker om fornyelse minst en måned før tillatelsen din utløper, beholder du de samme rettighetene i ventetiden som du hadde tidligere.
-
Kan du begynne å arbeide før du har fått svar på søknaden?
Nei, det kan du som regel ikkje.
Du kan likevel begynne å arbeide dersom du har søkt om opphaldsløyve for faglært arbeidstakar med arbeidsgivar i Noreg og allereie har fått ei stadfesting frå politiet på at du kan arbeide (tidleg arbeidsstart).
-
Kan saka di komme først i køen?
Mange ønskjer å få saka si raskt behandla. Men det skal heilt spesielle forhold til for at saka di kan komme først i køen.
-
Kva må du gjere dersom du flyttar før søknaden din er behandla?
Du er folkeregistrert i Noreg
Du må melde flytting til folkeregisteret (ekstern nettstad) så raskt som mogeleg når du veit at du skal flytte. UDI får den nye adressa di frå folkeregisteret automatisk.
Du er i Noreg, men er ikkje folkeregistrert
Dersom du er i Noreg og flyttar mens du ventar på at UDI skal behandle saken din, må du melde frå til politiet om at du flyttar seinast ei veke etter at du flytta. Du kan gi beskjed til politiet der du flyttar til, eller til politiet der du budde før.
Du er i utlandet
Dersom du er i utlandet og flyttar før UDI har behandla søknaden din, må du melde frå til ambassaden eller konsulatet der du leverte søknaden din. Dersom du ikkje gjer det, risikerer du at du ikkje får svaret på søknaden din.
-
Korleis kan du trekkje søknaden din og få tilbakebetalt gebyret?
Søknadsgebyret kan berre bli tilbakebetalt til deg viss du ikkje har møtt opp og levert søknaden enda. Viss du har sendT ein type søknad der du berre treng å laste opp søknadsdokumenta elektronisk, og du altså ikkje har krav om å møte personleg, kan du ikkje få tilbakebetalt gebyret etter at du har lasta opp dokumenta.
Viss du ynskjer å få tilbakebetalt eit søknadsgebyr, må du kontakte politidistriktet eller ambassaden som er ansvarleg for søknaden din. UDI kan ikkje hjelpe deg med tilbakebetaling.
Viss du allereie har levert søknaden ved personleg oppmøte og ynskjer å trekkje søknaden din, sjølv om gebyret ikkje blir tilbakebetalt, må du sende oss skriftleg beskjed om dette. Du kan skrive eit kort brev der du forklarer at du ynskjer å trekkje søknaden din. Brevet må vere signert av deg som er søkjaren. Du må sende inn brevet elektronisk. Når vi mottar informasjonen om at du vil trekkje søknaden, henlegg UDI saka di og sender deg ei skriftleg stadfesting på henleggelsen.
