Besøksvisum
Dersom du ønskjer å vere i Noreg eller Schengen fleire dagar enn det du har fått besøksvisum for, må du søkje om å forlengje visumet. Dersom du skal reise ut og inn i Schengen ein ekstra gong, må du søkje om nytt visum.
- Når du har eit Schengenvisum, kan du reise fritt rundt i Schengenlanda så lenge visumet er gyldig.
- Dersom du forlèt Schengen og ikkje har visum for fleire innreiser, må du søkje om nytt visum for å komme inn i Schengen igjen.
Kva vil du søkje om?
-
Søkje om å vere i Noreg lenger
Du kan berre få forlengt visumet ditt i heilt spesielle tilfelle, for eksempel dersom du har blitt alvorleg sjuk eller det har skjedd ein naturkatastrofe.
Krav
- Du må betale eit søknadsgebyr. (Hvis flyet ditt til Kina har blitt kansellert på grunn av Corona-viruset må du ikkje betale gebyr).
- Du må framleis fylle dei same krava som da du søkte om visumet.
- Du kan ikkje ha vore i Noreg eller Schengenområdet i meir enn 90 dagar.
- Du må ha ein spesiell og uventa grunn til å søkje. Grunnen kan for eksempel vere at du har vore i ei ulykke, at flyet ditt har blitt kansellert, at ein av dei nærmaste familiemedlemmene dine har blitt sjuk, eller at forretningsmøtet du skal i, er blitt utsett. Dette må ha skjedd etter at du kom til Noreg.
-
Søkje om å reise inn i Noreg eller Schengen éin ekstra gong
Du kan berre få visum for éi ekstra innreise i heilt spesielle tilfelle, for eksempel dersom du plutseleg må reise til eit land utanfor Schengen.
Krav
- Du må betale eit søknadsgebyr.
- Du må framleis fylle dei same krava som da du søkte om visumet.
- Du kan ikkje ha vore i Noreg eller Schengenområdet i meir enn 90 dagar.
- Du må ha ein spesiell og uventa grunn til å søkje. Ein grunn kan for eksempel vere at du må delta på eit ekstra forretningsmøte i England eller Irland, eller at du skal i gravferda til ein nær familiemedlem.