Kva er eit opphaldskort?

Eit opphaldskort er eit plastkort i kredittkortformat som er beviset ditt på at du har opphaldsløyve i Noreg. Det er politiet som bestiller opphaldskort til deg.

Når du har levert søknad frå Noreg, kan det vere at du kan få opphaldskortet ditt utan å møte opp hos politiet på nytt. Viss det gjeld deg, sender politiet opphaldskortet til deg i posten. Det betyr at du ikkje treng å bestille time. Les under kven som må bestille time.

Kva må du passe på for å motta kortet i posten?

• Er du ny postmottakar i Noreg, fyll ut denne blanketten (eksternt nettsted, åpnes i nytt vindu), og lever han på eit postkontor eller Post i Butikk. Hugs å ta med legitimasjon.
• Sjekk at du står registrert med korrekt postadresse (eksternt nettsted) hos Posten, dersom du allereie er registrert som postmottakar. Sida krev innlogging med BankID eller MinID.
• Kontroller at du har namnet ditt på postkassa, viss ikkje vil ikkje kortet komme fram til deg. Viss kortet kjem bort i posten, vil det ta minst 20 arbeidsdagar til før du kan få eit nytt.
• Du bør ikkje bestille reiser til utlandet før du har fått det nye opphaldskortet.

Kven må bestille time for å få opphaldskort? 

• Du som har søkt frå utlandet.
• Du som har eit norsk utlendingspass eller reisebevis for flyktningar som er utgått på dato, og som du ikkje allereie har gitt til politiet.
• Viss søknaden din blei levert av ein annan person med fullmakt, så må du sjølv bestille time hos politiet for å få opphaldskort.
• Viss du har søkt opphald etter brexit-regelverket, får du beskjed om å bestille time etter at søknaden din er ferdig behandla.  
• Viss du har søkt om vern for første gang hos politiet, vil politiet innkalle deg til time. Du treng ikkje å bestille time sjølv.

Hos politiet må du ta bilde og gi fingeravtrykk.

Korleis bestille time?

Bestilling av time elektronisk

Viss du fylte ut og sendte søknaden din elektronisk, kan du nå logge deg inn for å bestille timen.

Bestilling av time på telefon

Viss du ikkje fylte ut elektronisk søknadsskjema da du søkte om opphaldsløyve, må du i staden ringe det lokale politidistriktet ditt for å bestille time. Du kan ikkje ringe UDI for å bestille time.

Når du møter opp hos politiet for å bestilla opphaldskort, gir vi beskjed om at du er innvilga eit opphaldsløyve til skatteetaten. Skatteetaten avgjer om du skal få eit d-nummer eller fødselsnummer.

Omtrent to veker etter at du har vore hos politiet får du eit brev frå Skatteetaten med fødselsnummeret eller d-nummeret ditt.

Dersom du har fått ny adresse i Noreg etter at du leverte søknaden din, må du gi beskjed om kva den nye adressa di er når du møter hos politiet, slik at du blir registrert på riktig adresse i det norske folkeregisteret.

Dersom du har spørsmål om skattekort fordi du skal arbeide i Noreg, finn du informasjon på Skatteetatens nettsider om korleis utanlandske statsborgarar søkjer om skattekort (eksternt nettsted).

Dersom du har fått eit d-nummer når du skulle ha fått eit fødselsnummer, må du kontakta folkeregisteret (eksternt nettsted).

Viss du har fått opphaldsløyve som au pair og har booka time hos politiet for å bestille opphaldskort, kan du flytte inn hos vertsfamilien og starte som au pair no. Viss du har booka time for å bestille opphaldskort, kan du altså byrje som au pair mens du ventar på å få opphaldskortet.

• Med ein gong ein au pair kjem til Noreg, må vertsfamilien sørgje for at ho får lovpålagd blodprøve og røntgenundersøking for tuberkulose.  
• Undersøkinga må gjennomførast før au pairen byrjar å passe barna, så familien bør derfor bestille time for undersøking til ein av dei første dagane etter framkomsten. 
• Au pairen må først møte opp for å ta blodprøve. Då vil ho få ei tilvising til røntgen og informasjon om kvar ho kan ta røntgenundersøkinga.
• Vertsfamiliar som bur i Oslo kommune skal kontakte helsestasjonen i bydelen sin (eksternt nettsted). Vertsfamiliar som bur i Bærum kommune skal kontakte Folkehelsekontoret i Sandvika (eksternt nettsted) og vertsfamiliar som bur i Asker kommune skal kontakte Vaksinasjons- og smittevernkontoret i Asker (eksternt nettsted). Au pairar som bur i andre kommunar skal ta kontakt med smittevernkontoret til kommunen eller kommuneoverlegen
• Personar frå Vest-Europa, Estland, Polen, Tsjekkia, Slovakia, Slovenia, Ungarn, USA, Canada, New Zealand, Australia, Belize, Surinam eller Japan treng ikkje testast for tuberkulose.

• Arbeidstida hos vertsfamilien din må normalt ikkje vere meir enn 5 timar per dag og maksimalt 30 timar per veke. Du kan ikkje arbeide meir enn 30 timar, sjølv ikkje mot ekstra betaling.
• Du kan ikkje arbeide for andre arbeidsgivarar eller hos andre familiar enn vertsfamilien din, verken mot betaling eller gratis.

Du har krav på ulike typar helsehjelp alt etter (eksternt nettsted) kva for situasjon du er i.

• I vedtaket ditt står det kor lenge opphaldsløyvet ditt gjeld og om han kan fornyast.
• Viss du ønskjer å halde fram med å bu i Noreg, må du hugse å fornye eller søkje om nytt opphaldsløyve 2-3 månader før opphaldsløyvet ditt går ut.
• Viss ikkje, kan du få problem med å reise ut og inn av Noreg og miste moglegheita til å jobbe i Noreg medan du ventar på nytt løyve.

I nokre tilfelle kan du miste opphaldsløyvet ditt.

Å miste en oppholdstillatelse betyr at UDI bestemmer at oppholdstillatelsen ikke skal gjelde lengre. Det kan bety at du enten ikke får bo i Norge lenger, eller at du får en ny oppholdstillatelse og oppholdet i Norge begynner å telle på nytt.

Det kan vere ulike grunnar til at du mistar opphaldsløyvet ditt, for eksempel viss:

• du arbeider meir enn du har lov til hos vertsfamilien din
• du arbeider for andre familiar eller andre arbeidsgivarar
• du flyttar ut frå vertsfamilien din. ( Viss du skal byte vertsfamilie, må du søkje om fornying)
• du blir gravid og derfor sluttar å vere au pair
• UDI får vite at du har barn i heimlandet ditt

I nokre slike tilfelle kan du også bli utvist fra Noreg.

Her finn du meir informasjon om tilbakekalling av eit opphaldsløyve.

• Viss du sluttar å vere au pair før opphaldsløyvet ditt har gått ut, må du vanlegvis reise tilbake til heimlandet ditt.
• Viss du ønskjer å bli i Noreg, må du med ein gong sjekke om du fyller krava til ein annan type opphaldsløyve, og søkje om dette. Du kan ikkje bli i Noreg fram til opphaldsløyvet ditt går ut viss du ikkje har søkt om nytt opphaldsløyve.
• Viss du skal byte vertsfamilie, må du søkje om fornying av opphaldsløyvet ditt.