Arbeidsinnvandring Har fått ja på søknad om arbeidsinnvandring
Spørsmål og svar
-
Korleis reiser du inn til Noreg?
Viktig informasjon om korona: Mange som har oppholdstillatelse kan reise inn til Norge nå
Dersom du ikkje allereie er i Noreg når du får svar på søknaden din, kan du no reise inn til Noreg.
Først må du sjekke om du treng eit visum for å reise inn i Noreg. Sjekk om du er blant dei som ikkje treng visum.
Du som ikkje treng visum
Du kan reise inn til Noreg når som helst innan fristen som står i vedtaket ditt (vanlegvis seks månader).
Du som treng visum
- Visumet du skal ha, heiter innreisevisum.
- UDI vil gi ambassaden som har ansvar for saka di beskjed om at dei skal gi deg dette visumet, du treng ikkje å søkje om det.
- Søknadssenteret der du leverte søknaden eller ambassaden vil ta kontakt med deg for å avtale når du kan komme og hente visumet. Det vil ta opptil ei veke før dei tek kontakt med deg. Du vil hente visumet ditt same plassen som du leverte søknaden.
- På visumet vil det stå ein frist for når du seinast kan reise inn i Noreg. Derfor må du gi beskjed til ambassaden om når du planlegg å reise, slik at visumet er gyldig når du treng det.
-
Slik skaffar du deg opphaldskort
Kva er eit opphaldskort?
Eit opphaldskort er eit plastkort i kredittkortformat som viser at du har opphaldsløyve i Noreg.
Korleis skaffar du deg opphaldskort?
- Du må bestille time hos politiet på førehand for å ordne med opphaldskortet.
- Du kan bestille timen før du drar til Noreg.
- Timen må enten vere ein av dei fyrste sju dagane du er i Noreg, eller den fyrste ledige timen du finn.
- Du må møte opp hos politiet der du skal bu, til den timen du har bestilt.
- Dersom du er under 18 år, må du møte hos politiet saman med foreldre/føresette.
Bestilling av time på Søknadsportalen
Dersom du nytta Søknadsportalen til å registrere søknaden din, kan du no logge deg inn på Søknadsportalen for å bestille timen (ekstern nettstad).
Bestilling av time på telefon
Dersom du ikkje nytta Søknadsportalen då du søkte om opphaldsløyve, må du ringe ditt lokale politidistrikt for å bestille time. Du kan ikkje ringe UDI for å bestille time.
Kva skjer på timen hos politiet?
Politiet tar fingeravtrykka dine og fotograferer deg, og politiet bestiller opphaldskort til deg.
Kor lang tid tar det før du får kortet?
Det vil ta minst ti arbeidsdagar frå du var hos politiet, til du får kortet sendt til deg i posten. Sjekk at du står registrert med rett postadresse og at du har namnet ditt på postkassen, ellers vil ikkje kortet komme fram til deg. Dersom kortet kjem vekk i posten vil det ta minst ti arbeidsdagar til, før du får det nye.
Dersom du planlegg å reise utanlands bør du derfor passe på at du har god tid mellom oppmøtet hos politiet og den planlagde avreisedatoen.
-
Adresse i Noreg, fødselsnummer og skattekort
Når du møter opp hos politiet for å bestilla opphaldskort, gir vi beskjed om at du er innvilga eit opphaldsløyve til skatteetaten. Skatteetaten avgjer om du skal få eit d-nummer eller fødselsnummer.
Omtrent to veker etter at du har vore hos politiet får du eit brev frå Skatteetaten med fødselsnummeret eller d-nummeret ditt.
Dersom du har fått ny adresse i Noreg etter at du leverte søknaden din, må du gi beskjed om kva den nye adressa di er når du møter hos politiet, slik at du blir registrert på riktig adresse i det norske folkeregisteret.
Dersom du har spørsmål om skattekort fordi du skal arbeide i Noreg, finn du informasjon på Skatteetatens nettsider om korleis utanlandske statsborgarar søkjer om skattekort (ekstern nettstad).
Dersom du har fått eit d-nummer når du skulle ha fått eit fødselsnummer, må du kontakta folkeregisteret (ekstern nettstad).
-
Kor lenge varer opphaldsløyvet?
- I brevet du får frå UDI står det kor lenge opphaldsløyvet ditt varer.
- Du må søke om fornying tre månader før opphaldsløyvet ditt går ut.
- Dersom du ikkje søker om fornying, kan du få problem med å reise ut og inn av Noreg, miste mogelegheita til å jobbe i Noreg eller få problem når du vil søke om permanent opphaldsløyve eller statsborgarskap.
-
Tel opphaldsløyvet med dersom du skal søke om permanent opphaldsløyve?
- I brevet du får frå UDI, står det om tida du har dette opphaldsløyvet tel med dersom du seinare skal søke om permanent opphaldsløyve.
- Sjekk reglane for permanent opphaldsløyve.
-
Kan familien din komme til Noreg?
For informasjon om kva for familiemedlemmer som kan søkje om å flytte til deg i Noreg, sjå familieinnvandringssidane.
-
Kva slags helsehjelp har du krav på?
Du har krav på ulike typar helsehjelp alt etter (ekstern nettstad) kva for situasjon du er i.
-
Kva kan du arbeide med, og kva arbeidsgjever kan du ha?
I vedtaket ditt står det kva type arbeid du kan gjere og eventuelt kva arbeidgjevar du skal jobbe for.
Dersom du skal bytte stilling eller arbeidsgjevar må du som regel søke om nytt opphaldsløyve. Du må vente med å begynne i den nye jobben til du har fått nytt opphaldsløyve.
-
Kan du reise til andre land medan du bur i Noreg?
- Etter at du er komen til Noreg og har fått oppholdskortet ditt, kan du reise inn og ut av Noreg så lenge oppholdsløyvet varer.
- Du må ha med deg passet og oppholdskortet ditt når du skal reise.
- Du kan besøke andre Schengenland i opptil 90 dagar.
- Du kan reise ut og inn av Noreg så lenge løyvet varer, men du må bu i Noreg i minst seks månader til saman i løpet av eit år.
-
Skal du flytte frå Noreg før opphaldsløyve ditt går ut?
Dersom du flytter frå Noreg før opphaldsløyvet ditt går ut, kan du sende oss beskjed om dette. Då kan UDI trekke attende (kansellere) opphaldsløyvet ditt frå den datoen du reiser ut. Dette kan vere ein fordel for deg, fordi du då kan vise styresmaktene i andre Schengenland at du ikkje har eit gyldig opphaldsløyve i Noreg lenger. Dersom du søker om besøksvisum til eit anna Schengenland medan du framleis har eit gyldig opphaldsløyve, kan det hende at du ikkje får besøksvisum.
Slik gjev du oss beskjed:
1. Skriv eit brev der du forklarer at du har flytta frå Noreg, og be UDI trekke attende resten av opphaldsløyvet ditt. Skriv i brevet kva dato du flytta frå Noreg, og postadressa di i utlandet.
2. Hugs å skrive namnet ditt og DUF-nummeret eller fødselsnummeret ditt.
3. Skriv under på brevet.
4. Du kan sende oss det signerte brevet i posten eller skanne det og laste det opp i vårt skjema for ettersending av dokumenter til UDI (ekstern nettstad, blir opna i nytt vindauge).
-
Kan du miste opphaldsløyvet ditt?
UDI kan trekke tilbake opphaldsløyvet ditt dersom du:
- ikkje får den løna som det står i arbeidstilbodet ditt at du skal få
- bur utanfor Noreg meir enn seks månadar til saman i løpet av eitt år
- jobbar meir enn det som er oppgjeve i arbeidskontrakten, eller mindre enn det som er oppgjeve i arbeidskontrakten din
