Alle som søkjer frå Noreg og har sendt ein søknad elektronisk skal òg bestille time elektronisk ved å logge inn her.   

Dette gjeld dei aller fleste.

Nokre søknader er det berre mogleg å fylle ut på papir. Viss du har sendt ein papirsøknad til UDI og derfor ikkje har ei elektronisk sak, må du kontakte politiet der du bur direkte for å bestille time. 

Desse søknadene kan du berre fylle ut på papirskjema:

• førstegangssøknad om vern (asyl) (ekstern nettstad)
• opphaldsløyve pga. sterke menneskelege omsyn (ekstern nettstad)
• opphaldsløyve for dei som har vorte mishandla (ekstern nettstad)
• behalde permanent opphaldsløyve (viss du søkjer frå utlandet) (ekstern nettstad)
• utviding av besøksvisum (ekstern nettstad)

Du kan dessverre ikkje kontakte UDI for å bestille time. Det er berre politiet som har tilgang til kalenderen for timebestilling.

Dei fleste må bestille time hos politiet gjennom å logge inn her.

Hvis du du har en gammel søknad, så kan du følge lenken øverst på den innloggede siden for å se om den ligger i den gamle søknadsportalen. Forsikre deg om at du loggar inn med riktig brukar.

Dette gjeld dei aller fleste søknader:

• Logg inn
• Finn riktig søknad
• Trykk «Gå til Søknad» for å komme til kvitteringssida for søknaden
• Trykk «bestill time» og vel ein ledig time i kalenderen

Viss du har ein gammal søknad:

• Logg inn
• Sjekk om du finn søknaden din i lista over innsendte søknader
• Viss du ikkje finn søknaden der, trykk på lenken øverst på sida for å gå til den gamle søknadsportalen.
• Finn riktig søknad
• Trykk «Sjå søknad» for å komme til kvitteringssida
• Trykk «bestill ein time» og vel ein ledig time i kalenderen

Viss bestillingsknappen ikkje blir vist på kvitteringssida når du er logga inn i Søknadsportalen, betyr det at det for tida ikkje er ledige timar på oppmøtestaden din. Då må du sjekke igjen seinare om ledige timar er lagt ut.

Viss du har fått ein e-post frå politiet, så følgjer du informasjonen du har fått i e-posten.

Når du fyller ut søknaden din elektronisk, vel du landet du søkjer frå. Då vil du få informasjon om kva ambassade som har ansvar for å ta imot søknaden din og sende han til UDI. På kvitteringssida til søknaden vil det i dei fleste tilfelle liggje informasjon om kvar du skal møte opp.

På nettsida til ambassaden eller VFS søknadssenteret vil du finne informasjon om korleis du leverer søknadsdokumenta dine. Nokre stader må du bestille ein time, medan andre stader kan du møte direkte i lokala.

Søknader om statsborgarskap

Når du fyller ut søknaden om statsborgarskap på nett, vel du den ambassaden/konsulatet som er nærast deg. Når du skal levere søknadsdokumenta, kan du enten møte opp på ambassaden/konsulatet du har valt i søknadsskjemaet, eller på den norske ambassaden eller det norske generalkonsulatet som er enklast for deg å reise til (ekstern nettstad). Du må bestille time på førehand.

Då du bestilte timen, fekk du ei stadfesting på tidspunkt og dato på e-post, sendt frå adressa noreply@udi.no eller noreply-spn@udi.no.  

Viss du ikkje finn denne e-posten, kan du logge deg inn og velje søknaden for å sjå timen.  

Viss du møter på problem og du ikkje klarer å finne detaljane for timen din, vêr vennleg å ta kontakt med oppmøtestaden, det vil seie politiet, Servicesenter for Utenlandsk Arbeidstaker (SUA), ambassaden eller VFS Søknadssenter. 

Viss kalenderen ikkje er synleg, eller du får beskjed om at det ikkje er ledige timar når du har logga inn og gått inn på søknaden din, ber vi deg sjekke igjen seinare.

Mange politidistrikt har for tida lange ventetider. Her kan du velje det lokale politiet ditt og sjå informasjon som dei legg ut om timebestilling (ekstern nettstad).

Du kan dessverre ikkje kontakte UDI for å bestille time. Det er berre politiet som har tilgang til kalenderen for timebestilling.

Viss du har bestilt ein time som du ikkje kan møte opp på, så kan du endre timen. Logg inn og gå inn på søknaden. Deretter trykkjer du på endre-knappen og vel ein ny time. Du vil motta ein e-post som bekreftar at timen er endra.

Ser du ingen endre-knapp?

Viss du allereie har bestilt ein time og ønsker å endre denne, så vil endre-knappen på kvitteringssida berre vere synleg viss det er ledige timar. Viss du ikkje ser endre-knappen, betyr det at det ikkje er ledige timar å byte til for augneblinken. Viss du ikkje kan møte opp på timen du har bestilt, må du avbestille denne og logge inn igjen seinare for å sjå om det er ein ledig time å booke.

Det er berre politiet som har tilgang til bookingkalenderen. Du kan derfor ikkje kontakte UDI for å bestille eller endre time.

UDI kan dessverre ikkje svare på spørsmål om ventetider for å få time hos politiet. Det er berre politiet som har tilgang til kalenderen for timebestilling. Du kan finne meir informasjon om ventetider for time hos politiet på heimesidene deira (ekstern nettstad).

Nei, du må bestille time hos politiet som er nærast der du bur. Viss det er fleire politistasjonar som tar imot søknader i det politidistriktet du tilhøyrer, må du velje ein av desse som oppmøtestad når du fyller ut søknaden din.

Etter at du har sendt søknaden, er det dessverre ikkje mogleg å byte oppmøtestad. Søknaden blir berre sendt til politistasjonen du valde og er ikkje tilgjengeleg for andre politistasjonar. Viss det ikkje er ledige timar på oppmøtestaden du valde, må du sjekke om det er lagt ut nye timar seinare.

Viss du har valt feil oppmøtestad, må du fylle ut, sende og betale for ein ny søknad der du vel riktig oppmøtestad. Viss du betalte eit gebyr for den første søknaden, må du kontakte politiet du sende den første søknaden til og be om refundering av gebyret.

Viss du allereie har fylt ut søknaden elektronisk og har betalt eventuelt gebyr, vil søknaden ha status som «ferdig utfylt». Det er då ikkje mogleg å endre på opplysningane du har lagt inn i søknaden elektronisk.

Det er heller ikkje mogleg å byte oppmøtestad eller bestille time ved andre oppmøtestad for å levere dokumenta til søknaden. Har du søkt til feil stad må du søke på nytt og eventuelt be politiet eller ambassaden om refundering av gebyret frå den første saka.

Ambassaden eller politiet kan redigere mindre feil i informasjonen i søknaden når du møter opp til timen du har bestilt. Da må du ta med skriftleg informasjon om kva du vil ambassaden/politiet skal endre for deg.

Mange slepp å møte to gonger hos politiet no. Viss du er borgar av eit land utanfor EU/EØS og gav biometriske kjenneteikn då du leverte søknaden, treng du ikkje å møte hos politiet etter at det er fatta vedtak i saka di. I mange tilfelle kan politiet bestille opphaldskort utan at søkaren må møte opp igjen i samband med same sak. I oversendingsbrevet, som du mottar saman med vedtaket, vil det stå om du må møte opp hos politiet ein gong til eller ikkje.

Dei som framleis må bestille oppfølgingstime er:

• arbeidstakarar der arbeidsgivar har søkt på nett på vegne av søkjaren
• opphaldsløyve der søkjaren søkte frå utlandet
• opphaldsløyve der søkjaren hadde moglegheit til å levere søknaden berre ved å laste opp dokumenta elektronisk og ikkje ved oppmøte hos politiet (reglar som følgde av koronapandemien)
• opphaldsløyve der søkjaren leverte søknaden hos politiet før det nye biometrisystemet vart innført 16.april 2021
• borgarar av land utanfor EU/EØS som har fått familieinnvandringsløyve med ein person som har EU/EØS-rettar i Noreg, og som leverte søknaden før 16. april 2021 (politiet treng då biometri til opphaldskortet)

Viss du treng å bestille ein ny time etter at du har mottatt vedtak frå UDI/politiet, så må du gjere dette ved å logge inn og velje riktig søknad.

Kvar person må bestille sin eigen time. Viss du har spørsmål om dette, må du ta kontakt med oppmøtestaden.

Søknadsgebyret kan berre bli tilbakebetalt til deg viss du ikkje har møtt opp og levert søknaden enda. Viss du har sendT ein type søknad der du berre treng å laste opp søknadsdokumenta elektronisk, og du altså ikkje har krav om å møte personleg, kan du ikkje få tilbakebetalt gebyret etter at du har lasta opp dokumenta.

Viss du ynskjer å få tilbakebetalt eit søknadsgebyr, må du kontakte politidistriktet eller ambassaden som er ansvarleg for søknaden din. UDI kan ikkje hjelpe deg med tilbakebetaling.

Viss du allereie har levert søknaden ved personleg oppmøte og ynskjer å trekkje søknaden din, sjølv om gebyret ikkje blir tilbakebetalt, må du sende oss skriftleg beskjed om dette. Du kan skrive eit kort brev der du forklarer at du ynskjer å trekkje søknaden din. Brevet må vere signert av deg som er søkjaren. Du må sende inn brevet elektronisk. Når vi mottar informasjonen om at du vil trekkje søknaden, henlegg UDI saka di og sender deg ei skriftleg stadfesting på henleggelsen.

Vi kan som hovudregel berre henlegge ei sak viss det er søkjaren sjølv som skriftleg trekkjer søknaden. Det å henlegge betyr at vi avsluttar saka utan å behandle ho. 

Viss du er referanseperson, sponsor eller vertsforelder og ynskjer å trekkje samtykkjet ditt til at søkjaren får opphald med deg i Noreg, må du sende UDI skriftleg beskjed om dette. Du kan skrive eit kort brev der du forklarer at du ynskjer å trekkje samtykkjet til at søkjaren får opphald med deg. Du må sende brevet elektronisk. Viss du trekkjer samtykkjet, vil det stå i vedtaket (avslaget) søkjaren får.   

Vi kan ikkje henlegge ei sak fordi referansepersonen/sponsoren/vertsforelderen ynskjer det. Viss desse personane ynskjer å trekkje søknaden, så må vi likevel behandle saka, men den vil bli avslått fordi samtykkjet er trekt. 

Viss ein person med fullmakt ynskjer å trekkje søknaden på grunn av samlivsbrot, må vi framleis behandle søknaden, men det vil bli eit avslag. Fullmakta fell bort når vi får opplysningar om samlivsbrotet. 

Søknadsgebyret blir ikkje tilbakebetalt når referansepersonen/sponsoren/vertsforelderen trekkjer samtykkjet, fordi søknaden blir tatt til behandling.

Viss du har eit løyve som kan fornyast og har registrert søknad om fornying eller permanent opphaldsløyve på nett innan sju kalenderdagar før det noverande løyvet din går ut, har du dei same rettane som det noverande løyvet din gir sjølv om du ikkje har møtt hos politiet endå.

Viss du allereie har permanent opphaldsløyve eller varig opphaldsrett har du framleis dei same rettane sjølv om du ikkje har eit gyldig opphaldskort. Du har til dømes framleis rett til å arbeide, du har dei same rettane til støtte frå NAV, og du står framleis registrert som busett i Noreg i Folkeregisteret. Politiet har òg tilgang til system der dei kan sjå at du har permanent opphaldsløyve eller varig opphaldsrett. Du bør ikkje reise ut av landet utan gyldig opphaldskort.

Viss du har eit opphaldsløyve som kan bli fornya (informasjon om dette finn du i vedtaket ditt) og du ikkje har fått ein time hos politiet før utløpet av løyvet, kan du sjølv dokumentere lovleg opphald. Viss du har registrert søknad om fornying eller permanent opphaldsløyve på nett innan sju kalenderdagar før det noverande løyvet ditt går ut, har du dei same rettane som det noverande løyvet ditt gjev, sjølv om du enno ikkje har møtt hos politiet.

Du kan likevel dokumentere dette overfor offentlege kontor eller arbeidsgivar ved å vise opphaldskortet ditt og vedtaket ditt saman med kvitteringa på mottatt søknad på nett.

Opphaldskortet ditt viser datoen opphaldsløyvet ditt går ut. Kvitteringa sitt referansenummer viser tidspunktet for når søknaden vart registrert. Dei første fire siffera i nummeret viser året søknaden vart registrert. Dei neste fire siffera viser datoen (ÅÅÅÅMMDD). Til dømes viser kvitteringsnummer som byrjar med 20200815 at søknaden vart registrert den 15. august 2020.

Korleis kan du finne kvitteringen på registrert søknad på nett?

For å sjå kvitteringa, må du logge inn, gå til oversikta over søknadene dine, velje relevant søknad og trykke på "Sjå søknad" eller "Gå til søknad". Du kommer da til kvitteringssida.

Du skal ikkje kontakte UDI for å få stadfesting

UDI ser ikkje når du har registrert søknaden på nett i datasystema våre. Vi har dermed ikkje moglegheit til å bekrefte at du har dei same rettane som det noverande løyvet ditt gjev. Du må følgje skildringa over for å dokumentere lovleg opphald inntil du får time hos politiet.

Du kan dokumentere dette overfor offentlege kontor eller arbeidsgivar ved å vise opphaldskortet ditt og vedtaket ditt saman med kvitteringen på mottatt søknad på nett.

Opphaldskortet ditt viser datoen opphaldsløyvet ditt går ut. Referansenummer på kvitteringa viser tidspunktet for når søknaden vart registrert. Dei fire første siffera viser året søknaden vart registrert. Dei neste fire siffera viser datoen (ÅÅÅÅMMDD). Til dømes viser kvitteringsnummer som byrjar med 20200815 at søknaden vart registrert den 15. august 2020.

Korleis kan du finne kvitteringa på registrert søknad på nett?
For å sjå kvitteringa må du logge inn, gå til oversikta over søknadene dine, velje relevant søknad og trykka på knappen nedst på sida som fører til kvitteringen.

Du skal ikkje kontakte UDI for å få stadfesting
UDI ser ikkje når du har registrert søknaden på nett i datasystema våre. Vi har dermed ikkje moglegheit til å stadfeste at du har dei same rettane som det noverande løyvet ditt gir. Du må følgja skildringa over for å dokumentere lovleg opphald inntil du får time hos politiet.

Viss du er EU/EØS-borger kan du dokumentere at du har opphaldsrett ovanfor andre offentlege kontor med dokumenta som er gitt for den gruppa du tilhøyrer i denne lista.

Familiemedlemmene til ein EU/EØS-borger har opphaldsrett i Noreg viss EU/EØS-borgaren har opphaldsrett. Viss du er familiemedlem til ein EU/EØS-borgar kan du vise at du har opphaldsrett ved å dokumentera at familiemedlemmen din som er EU/EØS-borger har opphaldsrett i Noreg. Det kan du gjere som beskrive over. Du må òg kunna vise fram dokumentasjon på familieforholdet ditt til EU/EØS-borgaren.

Viss du får feilmelding når du loggar inn på UDI-brukaren din, anbefaler vi at du prøver dette:

• Byt nettlesar
• Logg inn frå ein annan pc, mobil eller nettbrett
• Endre passordet ditt. Trykk «Har du gløymt passord» og vel eit nytt passord
• Skal du levere ein ny søknad, kan du bruke ein annan brukarkonto du har tilgang til eller lage deg ein ny brukarkonto

Ta kontakt med brukarstøtta til UDI på chat eller e-post viss du framleis får feilmeldingar. Viss du sender e-post, er det fint om du kan inkludere skjermbilete og ei forklaring av problemet som oppstår.

Prøv å velge et annet passord, som ikke har spesielle tegn. Hvis du har et tegn i passordet som vår innlogging ikke godtar, vil du ikke få logget inn.

Passordet kan ikke:

• ha spesialtegn, som @, % eller &
• ha bokstaver som ikke er i det latinske alfabetet. Det latinske alfabetet tilsvarer det norske alfabetet fra a til z. Æ, ø og å eller bokstaver fra andre alfabeter, som det kyrilliske eller greske, godtas ikke.

Du bør ikke bruke verktøy som foreslår eller automatisk lager passord på dine vegne. Det er fordi disse ofte inneholder tegn som nevnt i punktlisten over.

Passordet må inneholde minimum:

• åtte tegn
• én stor bokstav
• én liten bokstav
• ett tall

Du vil finne ei liste over søknader som du har byrja på og søknader du har sendt inn viss du loggar inn her.

Viss søknaden din ikkje er i oversikta over innsende søknader, kan det vere ulike grunnar til dette:

• Viss du du har ein gammal søknad, så kan du følgje lenka øvst på den innlogga sida for å sjå om den ligg i den gamle søknadsportalen.
• Du kan ha logga inn på ein annan brukarkonto enn den du sende søknaden frå.
• Søknaden din er ikkje sendt. I så fall vil søknaden stå under "Søknadsskjema som du ikkje har sendt inn".

Du kan ta kontakt med brukarstøtta til UDI på chat eller e-post viss du framleis har tekniske problem. Viss du sender e-post, er det fint om du inkluderer skjermbilete og ei forklaring av problemet som oppstår.

Viss du får feilmelding når du prøver å bestille time, anbefaler vi at du prøver dette:

• Byt nettlesar
• Logg inn frå ein annan pc, mobil, eller nettbrett

Ta kontakt med UDIs brukarstøtte på chat eller e-post hvis du framleis får feilmeldingar. Viss du sender e-post, er det fint om du kan inkludere skjermbilete og ei forklaring av problemet som oppstår.

Viss knappen der det står “Bestille ein time” ikkje er synleg på kvitteringssida når du er logga inn i Søknadsportalen, betyr det at det for tida ikkje er ledige timar å bestille på oppmøtestaden du valde i søknaden. Då må du sjekke igjen seinare om ledige timar er lagt ut.

Det er berre mogleg å levere søknaden til den oppmøtestaden du valde i søknaden.

Viss du har bestilt ein time, har du framleis denne timen sjølv om du ikkje har tilgang til kontoen din.

Viss du ikkje hugsar når timen er, bør du søkje i e-postane dine etter e-postar frå adressa noreply@udi.no eller noreply-spn@udi.no. Då vil du finne ein e-post som bekreftar tidspunktet for timen. Du vil òg finne ein e-post med liste over dokumenta du skal ha med på timen.

Viss du allereie har levert søknadsdokumenta dine, har det ikkje tyding for søknaden din at du ikkje lenger har tilgang til brukarkontoen. UDI sender all nødvendig korrespondanse til deg på Digipost eller per brevpost.

Viss du ikkje lenger har tilgang til brukarkontoen du søkte frå, og du treng time hos politiet for å bestille opphaldskort etter at UDI/politiet har fatta vedtak i saka di, må du kontakte politiet for å bestille time.

Ta kontakt med brukarstøtta til UDI på chat eller e-post viss du framleis opplever problem.