Utreiseplikt: Viss UDI har avslått søknaden din om mellombels opphaldsløyve, har du fått eit vedtak der du er gitt ei utreiseplikt med ein utreisefrist. Det betyr at du må forlate Noreg og/eller Schengenområdet innan denne fristen.

Utreisefrist: Fristen du er gitt til å forlate Noreg og/eller Schengenområdet. Fristen du har fått vil stå i vedtaket.

Registrere utreise: Viss du har ei utreiseplikt med utreisefrist, har du eit ansvar for at utreisa di frå Noreg blir registrert. Det betyr at du må reise via ein bemanna grensekontroll.

Utvising: Det å få eit vedtak frå UDI der det står at du er utvist frå Noreg for eitt eller fleire år. Du får då eit innreiseforbod og kan ikkje kome tilbake til Noreg før innreiseforbodet har gått ut.

Bortvising: Det å bli nekta å reise inn i Noreg eller få melding av norske styresmakter om at du må forlate Noreg. Ei bortvising er berre eit mellombels forbod. Du kan kome tilbake til Noreg seinare.

Uttransportering: Det å bli transportert ut av Noreg av politiet. Dersom du vert uttransportert av politiet må du betale kostnaden for transporten før du kan komme attende til Noreg. Du kan ikkje få opphaldsløyve om du har uttransporteringsgjeld. 

Schengen informasjonssystem (SIS): SIS er eit system der styresmaktene i Schengenlanda kan utveksle informasjon om at ein person har fått ei utreiseplikt med ein utreisefrist frå Schengenområdet. Dette er mellom anna for å kontrollere at plikta til å returnere blir overhalden og sikre ei felles ytre grensekontroll.